Ko vanda na mboka ya Swisi – Sango mpe ntoli na Internet  

Eloko etali mosala

Eloko etali mosala

Moto asengi ngunda, akoki ata moke te kosala mosala soki akokisi naino te ba sanza misato (3) to motoba (6).

Kasi bakoki kosala misala bisika oyo maboko ezangi  lokola,  misala ya hôtel, misala ya kotonga bandako, misala ya bokono, misala ya bilanga. Na kati ya mikolo tuku misato (30), soki nkolo mboka to mopaya azali na mokanda B to C asepeli na mosala wana te, moto asengi ngunda akoki kosenga kosala misala wana.
Mpo na koyekola mosala, etali bokeseni ya mikanda ya bato te.


Ba ngunda, bakoki kosala misala nyonso. Kasi basengeli kosenga liboso na bakonzi ya mboka.

Bampaya oyo  ba fandi ba mbula ebele na mboka swissi na mokanda B ba kozwa mokanda C. elingi koloba ba  kofanda seko. Pe na ndenge mitindo ya mboka elobi ba kobanda kobongola mokanda na bango mbula nyoso, pe na tango ana ba koki kobengisa libota na bango. Eloko etali mitindo ya mosala ya Mboka, bokeseni ezali ata moke te na  bampaya bazali na mokanda C to bana mboka Swissi. Bato basi bandima ngunda na bango, bakozua mokanda C na sima ya mbula mitano (5) banda mokolo bakota na Swissi.


Bato  oyo bankozi bandimi bafanda mwa  ba mbula.

Bato oyo bakonzi  bandima bafanda mwa ba mbula, na ba oyo basengi kingunda, ba koki kosala kaka bisika oyo maboko ya misala ezangi lokola,  misala ya hôtel, misala ya kotonga bandako, misala ya bokono, misala ya bilanga. Soki nkolo mboka to mopaya azali na mokanda B to C asepeli na mosala wana te,  bakoki kosenga kosala misala wana.


Lifuta ya mpako, ya bompaka mpe ya bokono na yo.

Soki bato basengi ngunda mpe bazali kosala, esengeli ba futa lifuta ya mpako, ya bompaka, ya bokono mpe soki ba zangi mosala. Esengeli mpe ba zongisa mbongo ya lobiko oyo ba zalaki ko zwa.


Lifuta mosusu ya ba ngunda

Bato basengi ngunda, na ba oyo bankozi bandimi bafanda mwa ba mbula, soki bazali kosala, bakolongola bango 10 % na mbongo ya suka sanza. Mbongo wana (10 %) ekokende na bakonzi ya mboka oyo etali makambo ya kingunda. Mbongo wana ezali mpo na ndenge bakonzi balandelaka makambo na bango, mpe po na lobiko bazali kozua mpe po na tango ba kotindika bango na mboka na bango. Mbongo wana ba kobanda kolongola yango na kati ya tango ya mbula misato (3) ti na mbula zomi (10).  Esengeli nde mokonzi ya mosala alongola mbongo wana na lifuta na yo ya sanza mpe atinda yango na bakonzi oyo batali makambo ya kingunda.


Bato oyo bankozi bandimi bafanda mwa ba mbula

Bato oyo bankozi bandimi bafanda mwa ba mbula ba oyo bakoki kotindika bango té mpo na makambo ebele, bakozwa mokanda F. Mokanda yango ezali mpo na sanza zomi na mibale (12). Na sima ya tango wana, bakoki kobakisa  mbula nioso. Soki bakonzi ya canton bandimi, okoki kosala mosala.

Nzinga nzinga ya motuna : Eloko etali mosala, Esika ya kofanda, Mikanda mpo na kofanda na mboka Swissi, Kobengisa libota, Libala, Kelasi-Koyekola mosala, Bokolongono

Ekangele: