Ko vanda na mboka ya Swisi – Sango mpe ntoli na Internet  

Kotiya mbongo na banque to na poste

Na mboka Swissi, esengeli kotiya mbongo na banque to na poste. Soki osalaka mosala, lifuti na yo ekokende na compte na yo. Na yango, okofuta nioso etali bomoyi na yo (factures). Ezala butu to moyi, okoki kobenda mbongo na bipayi batiya ba machine po na yango.

 

Kofongola compte

Okoki kofongola compte bisika nioso okokuta banque to poste. Esengeli omikende yo moko na mokanda ya bofandi na yo na mboka Swissi. Bakotuna yo mituna na ndenge ozwaka mbongo na yo.
 
Po na kofongola compte, okomema passeport, carte d’identité, permis de séjour to permis d’établissement na yo.
 

Carte ya banque (carte de débit)

Tango okofungola compte, bakopesa yo carte ya banque to ya poste soki ofongolaki compte na yo na poste. Na yango okoki kobenda mbongo na ba banque nioso esika ofongolaki compte na yo to na poste soki ofongolaki compte na yo kuna. Okofuta eloko moko te.
 
Okoki mpe kosenga carte maestro na banque to PostFinance Card na code na poste. Po na yango, okofuta mbongo moke po na mbula mobimba. Na carte yango, okoki kobenda mbongo bisika nioso ezala banque to poste.
 
Keba
Po na bamakambo mosusu neti kolandela compte na yo to postFinance Card, mbongo ya taxe okofuta na poste ezali moke koleka oyo ya banque.
 

Kofuta na internet

Okoki kotala compte na yo na internet ezala na butu to na moyi. Okoki mpe kofuta na internet to koyeba mbongo oyo ezali na compte na yo.
 
Oyo eleki malamu :
Soki ozali kosalela nioso etali mbongo na yo na internet, ozali kobatela mbongo na yo.
 

Ba comptes mosusu (comptes spéciaux)

Ba compte mosusu ezali po na bana, bilenge to bampaka oyo basalaka lisusu te (retraités). Bakotalisela bango mbongo ya motuya ya likolo (intérêt plus élevé) mpe bakofuta mbongo moke po na ndenge banque to poste azali kobombela ye mbongo.
 
Keba
Liboso ya kofongola compte ezala na banque to na poste, tala naïno motuya boni bakobotisela yo na mbongo okotiya.
 
 

Ekangele: