Ko vanda na mboka ya Swisi – Sango mpe ntoli na Internet  

Kobota

Na mboka Swissi, basi ebele babotaka na lopitalo. Moke na kati na bango babotaka na ndako to na bandako esalema po na yango. Mwasi mpe akopona ndenge nini akobota.
Po na kopona esika ya kobota, mwasi asengeli asolola na monganga to na mwasi oyo abotisaka alandelaka ye. Lokola bango batu balandelaki zemi na ye, bango nde bakopesa ye ntoli. Mbala mosusu, bakolinga abota na lopitalo.

Komikomisa  na lopitalo

Lokola monganga to mwasi abotisaka basi balandelaki zemi na ye, bango nde bakokomisa ye na lopitalo oyo ye aponi. Po makanisi na ye ekende bipayi mosusu te, akoki kokende kotala lopitalo mpe ndako babotisaka basi liboso mokolo ya kobota ekoka.

Akokende na lopitalo mokolo nini ?

Soki abandi koyoka pasi na se ya libumu to mayi ebandi kotanga na nzoto na ye ya kimwasi, asengeli abenga lopitalo aponaki po atuna soki mwasi abotisaka basi azali. Bakoyebisa ye soki asengeli akende noki na lopitalo to azela mwa moke na ndako.

Mobali na ye to moto atiyaki ye zemi to moto na ye ya motema asengeli azala

Soki alingi, mobali na ye to moto atiyaki ye zemi to moto na ye ya motema akoki kozala tango azali kobota.

Monganga asengeli azala

Soki mikakatano ezali te tango ya kobota, mwasi abotisaka basi akozala. Soki kobota na ye ezali kosalema na lopitalo, monganga akozala tango akomi pembeni ya suka ya kobota.

Soki kobota na ye ekosalema na ndako to na ndako babotisaka basi, monganga akozala te.
Soki mikakatano ezali, basengeli bamema ye noki na lopitalo ya basi.

Nzinga nzinga ya motuna : Komitalisa nzoto epayi ya monganga atalaka basi, Komelisa muana libele, Nasima ya kobota, Zemi, Kobota, Komibatela kozwa zemi, Tango mwasi akomona lisusu makila té Na bomoyi ya mwasi, ezali na tango, akomona lisusu makila te. po na basi mosusu, ekozala tango akokokisa mbula 40, po na bamosusu, soki alekisi mbula 50. Na tango yango, nzoto ya mwasi ezali kosala lisusu te po akoka kozwa zemi. Mwasi akokoka kozwa lisusu zemi te po ba ormone na ye ezali kobanda kosila. Na ndenge azali komona lisusu makila yango te, wana nde libandeli ya tango akokoka kozwa zemi lisusu te. Nzoto ya mwasi ekobanda kobongola. Mwasi akobanda koyoka nzoto malamu te : nzoto moto moto, tango ya pongi ekiti, makila ya nzoto ekomata, loposo ya nzoto ekobanda kokawuka, kilo ya nzoto ekomata, akokoma kanda kanda, posa ya kosangana na mobali ekozala lisusu te. Po na bomoyi ya mwasi, komona makila lisusu te esalema ndenge wana. Soki nzoto na ye ebandi kobongola po na yango, minganga bakolandela yango lokola balandelaka babokono mosusu. Monganga na yo akozala moteyi na yo. Bokono ya mikuwa Tango mwasi akoki kozwa lisusu zemi te, akoki mpe kobela bokono ya mikuwa ebengami ostéoporose. Biloko ya koliya ezala na calcium mingi mpe kotambola ezali kisi ya liboso po na bokono yango. Soki bokono yango ezali makasi, minganga bakokomela ye kisi ezali na ba ormone. Bakisi yango ekobenda kuokoso po na mwasi abelaka cancer ya libele. Osenga ntoli epayi ya monganga ya mibale po apesa mpe ya ye makanisi. Kozala na bomoyi ya kimiya Bakuokoso nioso tango mwasi azali komona makila te ekobika soki biloko ya koliya ya malamu, soki azali kotambola, makaya te, kopo moko ya vino mikolo nioso, tango ya kosepelisa nzoto mpe kimia. Na bambula oyo, bakisi esalema na matiti ezali malamu po na kosunga basi oyo bazali na pasi na tango bamonaka makila lisusu te. Osenga na monganga na yo po na bakisi esalema na matiti. Bomoyi ya malamu Bakwokoso ya mwasi akomona lisusu makila té soki azali na bomoyi ya malamu : koliya malamu, koniolosa nzoto, makaya te, kopo moko ya masanga na mokolo, kobimaka na kimiya. Bambula oyo, bandako esalaka bakisi balakisi bolamu ya matiti ya bokoko po na kosunga basi oyo bakomona makila lisusu té. Osengeli otuna yango na monganga oyo alandaka yo. , Kolonga zemi

Ekangele: