Ko vanda na mboka ya Swisi – Sango mpe ntoli na Internet  

Mpako po na balingomba ya Nzambe

Na 21 cantons, balingomba ya Nzambe oyo eyebani na bakonzi ya l’Etat, bakoki kosenga na bandimi bafuta mpako. Canton ya Bâle-Ville basengaka mpako te, kasi na ba cantons mosusu, bandimi bafutaka mpako. Mpako po na lingomba ya Nzambe, lokola ba mpako nioso, l’Etat moto asengaka yango.

Lokola ba cantons ya Neuchâte, genève bayebi balingomba ya Nzambe te, bandimi bafutaka mpakoi te. Na mbula 2001, canton ya Neuchâtel ayokanaki na balingomba katolika, misioni mpe katolika-bakristu na ndenge akoka kosenga bandimi bapesaka mbongo na balingomba ya Nzambe. Bakonzi ya canton bakoyebisa balingomba motuya ya mbongo bandimi bapesi. Motuya ya mbongo oyo bakongoli, canton ya Neuchâchel moto akofuta yango po na ba ndako ya Nzambe.

Ba canton ya Vaud, Tessin mpe Valais bafutisaka bandimi mpako te, canton ya Valais asalaka ndenge mosusu : lokola ba communes na ba paroisses bazali moto moko, mbongo ya communes esungaka balingomba ya Nzambe.

Mpako po na misali ya balingomba ya Nzambe
Na ba cantons Berne, Bâle-Campagne, Appenzell Rhodes-Intérieures, Fribourg, Glaris, Grisons, Jura, Lucerne, Nidwald, Obwald, Schwyz, Soleure, Saint-Gall, Thurgovie, Uri, Zoug et Zurich, ba société lokola bandimi bafutaka ba mpako po na balingomba ya Nzambe. Lokola misali ya balingomba ya Nzambe bafandaka esika moko te, l’Etat akopesa mbongo ya bango ya mpako na balingomba eyebana. Tango l’Etat apesaka mbongo yango, atalaka motuya ya bandimi bazali na kati ya lingomba.

Na ba cantons epayi mpako ya misali ya balingomba efutamaka, mbongo na bango ya mpako ezali 25 to 40% ya motuya ya mbongo nioso l’Etat akopesa na balingomba.

Na canton ya Neuchâtel, ba société bakpesa ba mbongo ya mpako ndenge balingi.

Mikakatano ezali po na mbongo ya mpako ya misali ya balingomba ya Nzambe. Bato mosusu balobi téê,  ba société bazali kopesa mbongo na balingomba nzoka nde misali basi balongwa, bakenda esika mosusu. Bato mosusu balobi téê, mbongo balingomba bazwaka po na mpako ya misali basalelaka na yango po na kosunga misala po na bolamu ya bato nioso na mboka.